By తెలంగాణలో కొత్త ఉపాధ్యాయులకు విద్యాశాఖ షాక్ ఇచ్చింది. ఇవాళ (మంగళవారం) నిర్వహించాల్సిన కౌన్సిలింగ్ ను వాయిదా వేస్తున్నట్టు ప్రకటించింది. టెక్నికల్ కారణాలతో వాయి వేస్తున్నట్టు విద్యాశాఖ అధికారులు తెలిపారు. మళ్ళీ కౌన్సెలింగ్ ఎప్పుడు నిర్వహించేది తర్వాత తెలియజేస్తామని తెలిపారు. డీఎస్సీ 2024 ద్వారా 10,006 మంది ఉపాధ్యాయ నియామక పత్రాలను అందుకున్నారు. వీళ్ళందరికీ మంగళవారం పోస్టింగ్స్ ఇవ్వాల్సి ఉంది. కొత్త టీచర్లు ఆయా జల్లాల DEO లు సూచించిన ఆఫీసుల్లో జరిగే కౌన్సెలింగ్ కు హాజరుకావాలని విద్యాశాఖ ఆదేశించింది. కానీ టెక్నికల్ రీజన్స్ తో ప్రస్తుతానికి కౌన్సెలింగ్ వాయిదా పడింది. దాంతో ఇవాళ కొలువుల్లో చేరదామని ఆశించిన కొత్త ఉపాధ్యాయుల ఆశలు నెరవేరలేదు.
